Anno 1963 Albertus Viviani et Ianninus Fabbri Florentiae carmen ediderunt DE TRIUMPHO STULTITIAE,cuius est auctor Faustinus Perisaulus Tradotianus, sacerdos Ariminensis, Erasmi aetate aequalis. Editores persuasum habent Erasmumhoc carmine usum esse ad conscribendam Stultitiae Laudem. At eorum demonstratio incredibilibus scatet erroribus. Hac autemcommentatione demonstraturi sumus Faustinum revera Erasmo usum esse ad quasdam saltem partes sui carminis componendas,praefationem nempe ad primum librum totumque librum alterum.Pleniorem utriusque operis aliorumque eiusdem generis comparationem parat discipulus noster Carolus De Graeve. Quod studiumintra paucos annos editum iri speramus una cum nova et accuratiore editione operum Latinorum Perisauli libris cum impressiscum manu scriptis traditorum.
